კვირის ყველაზე კითხვადი სტატიები
თვის ყველაზე კითხვადი სტატიები
შრიფტი
12:22 / 07-04-2017
გაერო-ს ტრიბუნიდან "ცეკვავენ ვარსკვლავებში" - ვინ გაუწევს პარტნიორობას შოუში უმშვენიერეს თათია დოლიძეს
ის გაეროში საქართველოს ახალგაზრდობის წარმომადგენელია. პროფესიით ევროპათმცოდნე, ამბობს, რომ დატვირთული სამუშაო გრაფიკი აქვს, დღეისათვის ლამის 24-საათიანი რეჟიმში მუშაობს. მიზანმიმართული და საქმეზე ორიენტირებული თათია დოლიძე რასაც უნდა აკეთებდეს, სურვილი აქვს, რომ მაქსიმალურად დაიხარჯოს.

1 წლის წინ, როცა თათია დოლიძე სიტყვით გამოვიდა გაეროს 71-ე გენერალური ასამბლეის მესამე კომიტეტის სხდომაზე და საქართველოში კონფლიქტის ზონებში მცხოვრები ქართველი ახალგაზრდების პრობლემებზე ისაუბრა, მის შესახებ მთელმა საქართველომ გაიგო.

საქართველოს ახალგაზრდა წარმომადგენელს გაეროში მრავალმხრივი ცოდნა და გამოცდილება აქვს. ჰოლანდიაში, მაასტრიხტის უნივერსიტეტში წარჩინებით დაეუფლა
მაგისტრის ხარისხს. ფლობს ინგლისურ, ფრანგულ, იტალიურ და ესპანურ ენებს. არის რამდენიმე პუბლიკაციისა და კვლევითი ნაშრომის ავტორი.

ცოტა ხნის წინ კი ახალი, სრულიად განსხვავებული გამოწვევის წინაშე დადგა: მეგაშოუში "ცეკვავენ ვარსკვლავები" მონაწილეობა შესთავაზეს და ფიქრის შემდეგ დათანხმდა. სულ მალე საცეკვაო შოუს მეშვიდე სეზონი დაიწყება და ამ ლამაზსა და ჭკვიან გოგონას მაყურებელი პროფესიონალ მოცეკვავე ოთო ფოლადაშვილთან ერთად სცენაზე იხილავს.

- ჩემთვის დიდი გამოწვევა იყო, ბევრი ვიფიქრე ამაზე. საერთოდ ხელოვნება და მისი ნებისმიერი დარგი მიყვარს, მაგრამ ცალკე ცეკვა-სიმღერასთან დიდი შეხება არასდროს მქონია, მიუხედავად იმისა, რომ მიყვარს და ბავშვობაში გამომდიოდა კიდეც ეს ყველაფერი... დედაჩემს სამხატვრო სტუდია აქვს და ვხატავ. მაგრამ ხომ ვამბობ, ხელოვნებისთვის დრო არასდროს მქონია იმის გამო, რომ საკმაოდ მცირე ასაკიდან მეტ დროს სწავლა-განათლებას ვუთმობდი. გონებას ვავარჯიშებდი, ვიდრე სხეულს... თუმცა ბალერინობა ნამდვილად მინდოდა, მაგრამ არც ბალეტზე მივლია. 21 წლის რომ გავხდი, დედამ ბალერინის ფორმაში დამხატა... ახლა ამ პროექტში ჩართვით, ვიფიქრე, ერთიანად ავინაზრაურებ ჩემი ბავშვობის დანაკლისს-მეთქი.

- პროექტის პროდიუსერი ნოე სულაბერიძე პირადად დაგიკავშირდათ?
- კი და შემომთავაზა მონაწილეობა მიმეღო, მაგრამ ძირითადი პრობლემა დროსთან დაკავშირებით მქონდა. საერთოდ, უდროობას ვუჩივი, ქვეყნიდან გასვლა ხშირად მიწევს. ამიტომ ბევრი ვიფიქრე და ისეთი კონტრაქტი შევადგინეთ, რომლზეც პროექტის ორგანიზატორები გარკვეულ დათმობებზე წამოვიდნენ, რაც საბოლოოდ ჩემთვის მისაღები აღმოჩნდა, თუმცა მაინც ვნერვიულობ, რამდენად მექნება საამისოდ დრო.

როდესაც რაღაცას ვაკეთებ და საზოგადოების წინაშე ვაპირებ გამოსვლას, პასუხისმგებლობის გრძნობა მაღალი მაქვს და ამ დროს ყველაზე მეტად იმას განვიცდი, რამდენად მექნება და მეყოფა დრო. თუმცა, საბოლოოდ მაინც ვიფიქრე, რომ ბევრი გოგონასთვის სტიმულისმომცემი შეიძლება აღმოჩნდეს ჩემი პროექტში ჩართვა. მერე სტერეოტიპების მსხვრევის მომენტიც იყო, რადგანაც როცა სტატუსი გზღუდავს, რაღაცებისგან ვერ თავისუფლდები. იმის გამო, რომ ვარ ლექტორიც, იმაზეც ვიფიქრე, სტუდენტებს რა რეაქცია ექნებათ ჩემს ამ ნაბიჯზე-მეთქი და საბოლოოდ დავასკვენი, რომ რადგანაც შენი ცხოვრების ძირითად ნაწილში პერანგი და პიჯაკი გაცვია, ეს სხვა რაღაცაში არ უნდა გზღუდავდეს!..

თანაც 25 წლის გოგონა ვარ და სანამ ამის შესაძლებლობა მაქვს, ვიშრომებ, სიამოვნებას მივიღებ ამით, ჩემი სხეულისთვისაც კარგია და გამოცდილებასაც მივიღებ. ახალგაზრდებში ჯანსაღი ცხოვრების წესის პროპაგანდას ვეწევი და ესეც ამისთვის ერთ-ერთი მაგალითი იქნება. თუმცა, არც იმას გამოვრიცხავ, რომ საზოგადოებაში ამ ჩემი ნაბიჯის გამო სხვადასხვა აზრი გაჩნდეს, თუმცა ვფიქრობ, მაინც მისაღები იქნება.

- გაეროში ახალგაზრდობის წარმომადგენელი ხართ საქართველოდან. თქვენს დღევანდელ საქმიანობაზეც ვისაუბროთ.
- 2 თვეში მანდატი მეწურება, ჩემს შემცვლელს ავირჩევ და ამ ყველაფერს დიდი კამპანიით დავასრულებ... ზოგადად ამ კუთხით აქტიურად ვმუშაობ: ნიუ-იორკში ბოლო გამოსვლა თებერვალში მქონდა, საინტერესოდ და კარგად ჩაიარა. ახლა გამოვაცხადე გამარჯვებული ახალგაზრდა და გაერო-ს დაფინანსებით ოსებთან მოლაპარაკებაზე გავაგზავნი. შემორიგების პროცესებში ვართ ჩართულები და ოს და აფხაზ ახალგაზრდებთან ერთად, აქტიურად ვმუშაობ. ცოტა ხნის წინ პარლამენტში მქონდა გამოსვლა, სადაც კონფლიქტებთან დაკავშირებით ჩემი ხედვები წარვადგინე. შემომთავაზეს ერთ-ერთი კვლევა და კონსულტანტიც ვარ, შეთავაზებული იქნება განსაკუთრებული სტატუსი აფხაზეთისთვის.

ასე რომ, ამ კუთხით ბევრ აქტივობაში ვარ ჩართული. ამასთან, ევროპული პოლიტიკის მიმართულებით, საქართველოს უნივერსიტეტში ლექციებს ვკითხულობ (ბრიუსელში სამი წელი ვმუშაობდი), ჩეხეთში ლექციებს კი ვკითხულობდი, მაგრამ საქართველოში აქამდე ლექტორობის გამოცდილება არ მქონდა, ასევე განათლების ლაბორატორიაში ორატორულ ხელოვნებაში საავტორო კურსს ვკითხულობ, სადაც 14-დან 35 წლამდე ახალგაზრდები არიან, ვთანამშრომლობ საქართველოს პოლიტიკის ინსტიტუტთან და მათთვის კვლევებს ვწერ ევროკავშირის ქვეყნებში მიმდინარე პოლიტიკური პროცესები რა გავლენას ახდენს საქართველოს ევროინტეგრაციის პერსპექტივაზე და ცოტა ხნის წინ ამასთან დაკავშირებით ჩემი ახალი ნაშრომი გამოქვეყნდა.

- როგორც ცნობილია, სამოდელო გამოცდილებაც გაქვთ...
- ეს ჰობის სახით იყო ყოველთვის, იმის გამო, რომ ამისთვისაც დრო არ მყოფნიდა. უნივერსიტეტში 16 წლის მოვეწყვე და მაშინვე შევედი სამოდელო სააგენტო "ნატალიში", მოდის კვირეულებზე და ჩვენებებზე გამოვდიოდი, რადგან საზღვარგარეთ მიწევდა ხოლმე ყოფნა, ფეშენვიკებს ვერ ვემთხვეოდი, თუმცა ამ სფეროში ყველას ვიცნობ. ვინაიდან მაგისტრატურის კურსს ჰოლანდიის უნივერსიტეტში გავდიოდი, იქაც ჰოლანდიურ სამოდელო სააგენტოსთან დავიწყე თანამშრომლობა, მაგრამ მალევე მივხვდი, რომ იმ საქმიანობას ინტენსიურ სასწავლო კურსს ვერ შევუთავსებდი და სააგენტოს გამოვეთიშე. სულ ბოლოს რა ჩვენებაშიც მივიღე მონაწილეობა, ეს "მერსედეს ბენცის მოდის კვირეული" იყო, სადაც სამჯერ გამოვედი.

სამოდელო საქმიანობისთვის პროფესიული თვალსაზრისით არასდროს შემიხედავს იმიტომ, რომ რასაც ვაკეთებ, ბოლომდე უნდა დავიხარჯო. სამოდელო კარიერა რომ ამერჩია, მთელ დროს იმას დავუთმობდი და შეიძლება იქაც მქონოდა მიღწევები. მართლა დიდ შრომას დებენ გოგოები ამ საქმეში.

- "ცეკვავენ ვარსკვლავებში" რა შედეგებზე აკეთებთ ფსონს?
- ჯერ არაფერი ვიცი, გავიცანი მხოლოდ მეწყვილე, ოთო ფოლადაშვილი, პროფესიონალი მოცეკვავე. არაჩვეულებრივი ბიჭია, სასიამოვნო საურთიერთო ადამიანი, რაშიც გამიმართლა. მსუბუქად წავივარჯიშეთ, რითაც თვითონ კმაყოფილი დარჩა, ყოველ შემთხვევაში, ასე თქვა, ვნახოთ, რა როგორ იქნება...

ლალი ფაცია
AMBEBI.GE

მთავარი ფოტო: Levan Leko Chkonia
14:27 / 27-04-2017
ბიძიკო
0
ოცნება შენთანაა გოგო არ შეგვარცხვინო ეხლა აბა ჰე აბა ჰო )))))
14:26 / 27-04-2017
ბიძო
0
მიდი მიდი ტატია აბა ანახე ამ ქართველებს როგორ უნდა ცეკვა იქ ხო ანახე სხვა ერების დიპლომატებს კლასი ეხლა აქ მიხედე მიდიიი ))) ავოეეეეე
მსგავსი სიახლეები
შსს-მ თათია დოლიძის მიმართ განხორციელებული მუქარის ფაქტზე გამოძიება დაიწყო
"ჩვენს ქვეყანაში ერთხელ და სამუდამოდ უნდა დასრულდეს პოლიტიკურ ნიადაგზე აგრესიული დაპირისპირება"
"ამ უცხოეთიდან დაფინანსებული ორგანიზაციების წყალობით გვყავს საქართველოში
"თითქოს საერთოდ არ იყო ჩემთვის რთული ის რასაც სცენაზე ვაკეთებდით"
ამ კატეგორიის სხვა სიახლეები
18:45 / 10-12-2017  Image სააკაშვილის მხარდამჭერი აქციის მონაწილეებმა კიევში, მაღაზია "როშენის" ბლოკირება მოახდინეს და ვიტრინები ჩაამსხვრიეს
LIVE| აქციის მონაწილეებსა და პოლიციას შორის პროვოკაცია არ მომხდარა
17:48 / 10-12-2017  Image ავარია რუსთავეზე - ერთმანეთს ლურჯი ავტობუსი და სამი მსუბუქი ავტომობილი შეეჯახა
ავტოსაგზაო შემთხვევის შედეგად დაშავებული ერთი ადამიანი სამედიცინო
18:03 / 10-12-2017  Image ბათუმის რესპუბლიკური საავადმყოფოს დირექტორის კომენტარი აფეთქების შედეგად დაშავებულებზე
აფეთქების შედეგად დაშავებული ერთ-ერთი მოქალაქის მდგომარეობა მძიმეა
13:40 / 10-12-2017  Image ილია მეორე ქადაგებისას 51-ე სკოლასთან მონხდარ ტრაგედიას გამოეხმაურა
"არ არის საკმარისი ბავშვებმა სკოლაში ცოდნა მიიღონ, აღზრდას უნდა მივაქციოთ ყურადღება"
13:29 / 09-12-2017  Image "გულნატკენი წავიდა ამ ქვეყნიდან...." - დიმა ჯაიანი თურქეთის საავადმყოფოში გარდაიცვალა
მას ცოტა ხნის წინ მძიმე დიაგნოზი დაუსვეს

პოპულარული კომენტარები
და რა გიკვირთ და რატომ მოსთქვამთ? კრიმინალური მენტალიტეტის ერი ცხოვრობს კრიმინალურ გარემოში... თქვენ გააგდეთ ამ ქვეყნიდან კრიმინალთან მებრძოლი მთავრობა და მოიყვანეთ კრიმინალებთან მოსიამტკბილე ხელისუფლება... ასე არაა? ფანჯრებიდან რომ ხედავდნენ მკვლელობას ვინმემ დარეკა პოლიციაში? მოსწავლეები რომ არ აძლევენ ჩვენებას გამოძიებას? ხომ არ ჩაუშვებთ? თქვენ არ გაკიოდით მიშამ სკოლაში მანდატურები შეიყვანა არიქა შვილებს სტუკაჩებად გვიქცევენო? რაც ხალხია, ის ვითარებაა ზუსტად.. საბჭოთა კავშირში მოწინავე ქურდების რაოდენობით, ევროპაში მოწინავე და თავმოჭრილი ქურდული და ორგანიზებული დანაშაულის ნომერ პირველი ექსპორტიორი... გურიაში ყაჩაღი მამალაძის ძეგლი, ლიტერატურაში ყაჩაღები დადებითი გმირები...სკოლებში სამოქალაქო თვითშეგნების ამმაღლებელი საგნები ვერ დანერგეს, ებრძვით ხმალამოღებული... მღდელი ღმერთის სახელით ქურდობს, ერი და ბერი აბსოლუტური უმრავლესობა გაუნათლებელი და ბნელი, პროგრესისმოძულე და წარსულის აპოლოგეტი.... რატომ გიკვირთ, ან რა გიკვირთ? რა?
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49