ჟურნალისტი, რომელმაც კოლეგები პირდაპირ ეთერში ჩაცხრილა, სიცოცხლე თვითმკვლელობით დაასრულა
მამაკაცმა, რომელმაც ტელეკომპანია WDBJ7-ის ჟურნალისტი და ოპერატორი მოკლა, დანაშაული აღიარა, მოგვიანებით კი თავი მოიკლა. "ბიბისის" ცნობით, თავდამსხმელი აფროამერიკელი ფლენიგანია. მან ფაქსით წერილი გაუგზავანა "ეიბისი ნიუსს" და განაცხადა, რომ მკვლელობის მიზეზი ჟურნალისტების მიერ გაკეთებული რასისტული განცხადებები გახდა.
მომხდარის შემდეგ თეთრ სახლში განაცხადეს, რომ საჭიროა იარაღის შეძენა-ტარების უფრო მკაცრი კონტროლი ქვეყანაში.
შემთხვევა ვირჯინიის შტატის ქალაქ მონეტაში, ერთ-ერთ სავაჭრო ცენტრში გუშინ მოხდა, მაშინ როდესაც პირდაპირ ეთერში 24 წლის ჟურნალისტი ელისონ პარკერი ინტერვიუს ართმევდა ტურიზმის თემაზე რეგიონალური სავაჭრო პალატის წარმომადგენელ ვიკი გარდნერს.
გარდნერი გადარჩა და მისი მდგომარეობა სტაბილურია. ოპერატორი და ჟურნალისტი კი გარდაიცვალა.
ჟურნალისტების დახოცვის ვიდეო მკვლელმა თავად გადაიღო და ინტერნეტში გაავრცელა
9 წლის გოგონებს ერთი საათით "ათხოვებენ" - ჟურნალისტებმა ერაყში შემზარავი მასალა გადაიღეს
მოსკოვში ხანძარს 4 ბავშვი ემსხვერპლა - "უყურადღებოდ იყვნენ დარჩენილი, რადგან დედა ან მეზობელთან იყო გასული, ან ნასვამს ეძინა"
