პრემიერმა და მთავარმა პროკურორმა საპატრიარქო დატოვეს
საქართველოს საპატრიარქო პრემიერ-მინისტრმა, მთავარმა პროკურორმა, ვიცე-პრემიერებმა კახა კალაძემ და ალექსანდრე ჯეჯელავამ დატოვეს. არც პრემიერ-მინისტრს და არც მთავარ პროკურორს შეხვედრის დეტალებთან დაკავშირებით ჟურნალისტებთან კომენტარი არ გაუკეთებიათ.
საპატრიარქოში, სავარაუდოდ, ამ დრომდე რჩებიან ე. წ. ციანიდის საქმის ერთ-ერთი მთავარი მოწმე ირმა ჭკადუა და ჩაფიძის კლინიკის დირექტორი გულიკო ჩაფიძე. შეხვედრასთან დაკავშირებით განცხადება გააკეთა პატრიარქის მდივანმა მამა მიქაელ ბოტკოველმა.
მისი განმარტებით, საქართველოს კათოლიკოს-პატრიარქმა და წმინდა სინოდის წევრებმა, საქართველოს მთავარი პროკურორისგან დეკანოზ გიორგი მამალაძის საკითხთან დაკავშირებით დამატებითი ინფორმაცია მიიღეს, თუმცა მან კონკრეტიკისგან თავი შეიკავა. ის ასევე საზოგადოებას მოუწოდებს, საპატრიარქოს ირგვლივ განვითარებულ მოვლენებთან დაკავშირებით სპეკულაციები არ მოაწყონ და საგამოძიებო ორგანოებს თავისუფლად გამოძიების შესაძლებლობა მისცენ.
საპატრიარქოში საქართველოს კათოლიკოს-პატრიარქის, ილია მეორისა და წმინდა სინოდის წევრების შეხვედრა პრემიერ-მინისტრთან დაახლოებით სამი საათის განმავლობაში მიმდინარეობდა.
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
უკრაინის პროკურატურამ მიხეილ სააკაშვილის მიმართვაზე საქმე აღძრა
