რა ხდება სასტუმრო "ლეოგრანდთან" ხანძრის მეორე დღეს - ფოტოები ტრაგედიის ადგილიდან
ბათუმში, სასტუმრო "ლეოგრანდში" მომხდარი ხანძრის შედეგად, 11 ადამიანი დაიღუპა. მათგან 10 საქართველოს, ერთი კი ირანის მოქალაქეა.
ხანძარი სასტუმროს შენობაში საღამოს 20:00 საათისთვის გაჩნდა. შინაგან საქმეთა სამინისტროს ინფორმაციით, გადაუდებელი დახმარების ოპერატიული მართვის ცენტრ "112"-დან საგანგებო სიტუაციების მართვის სააგენტოში 20:01 სთ-ზე შევიდა შეტყობინება ბათუმში, სასტუმრო "ლეო გრანდში" გაჩენილ ხანძართან დაკავშირებით.
ხანძრის სალიკვიდაციო და სამაშველო სამუშაოებში მონაწილეობდა: 17 სახანძრო-სამაშველო ჯგუფი, 120 მეხანძრე-მაშველი, ხანძარსაწინააღმდეგო და სამაშველო ტექნიკასთან ერთად, აჭარის, გურიის და სამეგრელოს რეგიონებიდან, აჭარის პოლიციის დეპარტამენტის და საპატრულო პოლიციის დეპარტამენტის აჭარის მთავარი სამმართველოს 200-მდე თანამშრომელი და განსაკუთრებულ დავალებათა დეპარტამენტის წარმომადგენლები. ხანძრის ლიკვიდაცია, დაახლოებით 5 საათში მოხერხდა.
სასტუმროს გარეგნული დაზიანება არ აქვს. სასტუმროს შიგნით ძირითადი ზიანი დაკვამლიანებამ გამოიწია და დაღუპულები კვამლით არიან გარდაცვლილნი. ამჟამად, სასტუმროსთან სამართალდამცველები არიან შეკრებილნი. სასულიერო პირები კი პანაშვიდის გადასახდელად ემზადებიან - ბათუმში გაემგზავრა პატრიარქი, რომელიც სასტუმროსთან მივა და "ლეოგრანდში" დაღუპულთა სულის მოსახსენიებელ პანაშვიდს გადაიხდის.
ფოტო: მარიკო კეკელიძე
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
