რა დანიშნულება აქვს და ვის ეკუთვნის სამხედრო თვითმფრინავი, რომლის თბილისის თავზე გამოჩენამ საზოგადოება ააღელვა
თბილისის თავზე გადაფრენილი თვითმფრინავი, რომელმაც საზოგადოების დიდი ინტერესი გამოიწვია, ამერიკული სამხედრო-სატრანსპორტო C-17 Globemaster III-ია. კომპანია "ბოინგის" ქმნილება თავის კლასში მსოფლიოში ერთ-ერთი საუკეთესო თვითმფრინავია.
თბილისის ცაში მისი ხილვა საკმაოდ ხშირად შეიძლება. ავღანეთში რეისების შესრულებისას, ამერიკელები თბილისის საერთაშორისო აეროპორტს სატრანზიტო წერტილის სახით - საწვავის მარაგის შევსებისთვის იყენებენ. ერთი პერიოდი ერაყსა და ავღანეთში მოქმედი ქართული სამხედრო კონტიგენტი დანიშნულების ადგილას სწორედ C-17-ებით ჩაყავდათ.
თვითმფრინავის სიგრძე 53 მ-ია, ფრთის გაქანი 51,7 მ. თვითმფრინავის დანიშნულება ტვირთების გადატანაა და ამ ფუნქციას ის თავს შესანიშნავად არმევს. C-17-ს 77 519 კილოგრამი გადააქვს. ამერიკული სამხედრო ავიაციის გარდა, "გლობმასტერების" მფლობელები ავსტრალია, კანადა, ინდოეთი, ქუვეითი, ყატარი, დიდი ბრიტანეთი და არაბთა გაერთიანებული საემიროები არიან.
ნუკრი მგელაძე
AMBEBI.GE-ს სამხედრო კორესპონდენტი
მეტი ინფორმაცია| თბილისის თავზე საბრძოლო მფრინავი საშუალება გამოჩნდა?
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
