ქაშუეთის ეკლესიაში მსახიობ კოტე თოლორდავას სამოქალაქო პანაშვიდი მიმდინარეობდა. პანაშვიდს მისი ოჯახის წევრები, მეგობრები, ახლობლები, კოლეგები და რიგითი მოქალაქეები ესწრებოდნენ.
სამოქალაქო პანაშვიდი ქაშუეთში 13:00 საათზე დაიწყო და 15:00 საათამდე გაგრძელდა. 15:00 საათზე კი მსახიობი ტაძრიდან გამოასვენეს და მას საბურთალოს სასაფლაოზე დაკრძალავენ.
მსახიობი კოტე თოლორდავა 11 აპრილს გარდაიცვალა. ის რუსეთის დედაქალაქში ფილმის გადაღებაზე იმყოფებოდა. მსახიობის ცხედარი სასტუმროს ნომერში იპოვეს.
კოტე თოლორდავა საქართველოში 17 აპრილს ჩამოასვენეს.
ასევე იხილეთ| მსახიობებისა და პოლიტიკოსების გამოსამშვიდობებელი სიტყვები კოტე თოლორდავას პანაშვიდზე