პროკურორი ვახტანგ ქირია სავარაუდოდ ცეცხლსასროლი იარაღით არის მოკლული
სამეგრელო–ზემო სვანეთის საოლქო პროკურორი ვახტანგ ქირია საბურთალოზე ნაქირავებ ბინაში დაღუპული იპოვეს. ტერიტორიაზე ამ დრომდე მობილიზებულია პოლიცია და ჟურნალისტებს ადგილზე მუშაობის საშუალება არ ეძლევათ.
საქმეს პროკურატურა იძიებს, თუმცა საგამოძიებო ორგანოში ამ დრომდე კომენტარი არ გაკეთებულა. პროკურატურა არც იმის შესახებ საუბრობს თუ რა მუხლით არის საქმე აღძრული.
გავრცელებული ინორმაციით ქირია ცეცხლსასროლი იარაღით არის მოკლული.
სახლი, სადაც საოლქო პროკურორის ცხედარი აღმოაჩინეს სისტემატიურად ქირავდებოდა. მეზობლების განცხადებით ბოლოს მათთვის უცნობმა პირმა სახლი დაახლოებით ერთი კვირის წინ იქირავა.
ვაჟას-ფშაველას მეშვიდე მიკრორაიონში, იქ სადაც ქირიას ცხედარი იპოვეს, სამართალდამცავებმა მეზობლების სახლები შეამოწმეს. საგამოძიებო მოქმედებები შემთხვევის ადგილზე ამ დრომდე მიმდინარეობს, - ამის შესახებ ინფორმაციას რუსთავი 2 ავრცელებს.
პროკურორი ვახტანგ ქირია სავარაუდოდ, მოკლული იპოვეს
ბინა, სადაც, სავარაუდოდ, პროკურორ ვახტანგ ქირიას ცხედარი აღმოაჩინეს ქირავდებოდა
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
