პრემიერ-მინისტრი გიორგი კვირიკაშვილი სახელმწიფო უნივერსიტეტში დღეს დაახლოებით დღის 14:00 საათზე მივიდა. კვირიკაშვილი ჯერ მე-6 კორპუსთან იმყოფებოდა, რომელიც სტუდენტებს აქვთ დაკავებული და მისი კარები მერხებითა და სხვადასხვა ნივთებით აქვთ აჭედილი. ამის გამო პრემიერმა მეექვსე კორპუსში შესვლა ვერ მოახერხა, რის შემდეგ პირველ კორპუსში გადავიდა. პრემიერი თსუ-ში დაცვის ორი თანამშრომლით და პრესსამსახურის გარეშე, მოულოდნელად მივიდა. შეკითხვაზე, სტუდენტებთან სასაუბროდ დაცვის გარეშე რატომ შედიოდა, კვირიკაშვილმა უპასუხა: "ჩემი შვილებისხელები არიან და დაცვით ველაპარაკო?!".
უნივერსიტეტის პირველი კორპუსის 115-ე აუდიტორიაში პრემიერ-მინისტრი სტუდენტებს გაესაუბრა. კვირიკაშვილსა და სტუდენტებს შორის შეხვედრა დახურულ კარს მიღმა გაიმართა.