"მანქანები დავალომბარდეთ... პირველი ეტაპის თანხა ასე თუ ისე შეგროვდა" - შორენა ბეგაშვილის ქალიშვილს თურქეთში ხვალ დილით გადაიყვანენ
შორენა ბეგაშვილის ქალიშვილის მდგომარეობა კლინიკიდან გამოწერიდან თითქმის ერთი თვის შემდეგ დამძიმდა. გუშინ ევა ბარბაქაძე კვლავ იაშვილის კლინიკაში მოათავსეს, სადაც ტკივილები მორფით გაუყუჩეს. ოჯახის ახლობლის ინფორმაციით, თურქეთის კლინიკიდან მიღებულმა გამოკვლევის შედეგებმა აჩვენა, რომ ევას ერთ ფეხზე თავიდან სჭირდება ოპერაცია. 14 წლის გოგონას ძლიერი ტკივილები რამდენიმე დღის წინ დაეწყო და ფეხიდან რკინები ამოუღეს. როგორც ექიმებმა განმარტეს, ორგანიზმმა არ მიიღო უცხო სხეული. თურქეთში გამგზავრებისა და ოპერაციისთვის სოლიდური თანხებია საჭირო, რისი საშუალებაც ამ ეტაპზე ტელეწამყვანს აღარ აქვს. ევა ბარბაქაძის დასახმარებლად თბილისის რამდენიმე სკოლაში თანხა შეგროვდა, თუმცა როგორც ცნობილია, ოჯახს ეს თანხა ამ დრომდე არ მიუღია.
იხილეთ| შორენა ბეგაშვილის პირველი სატელევიზიო ინტერვიუ ქალიშვილთან დაკავშირებულ უბედურ შემთხვევაზე
რა მდგომარეობაშია ამჟამად ევა ბარბაქაძე, ამის შესახებ იაშვილის კლინიკა ჯერჯერობით კომენტარს არ აკეთებს, ამიტომ ინფორმაციის მისაღებად AMBEBI.GE შორენა ბეგაშვილის მეგობარს თამო ჩალაძეს დაუკავშირდა:
"გუშინ გაუკეთეს ყველაფერი იაშვილის კლინიკაში და ხვალ დილის 6 საათზე მიდიან თურქეთში სამკურნალოდ. მანქანები დავალომბარდეთ, პირველ ეტაპზე, გასამგზავრებელი თანხა ასე თუ ისე შეგროვდა და მერე ვნახოთ რა იქნება. ამ დროისთვის ზუსტად არც ვიცით, რა რაოდენობის თანხა არის საჭირო", - გვითხრა საუბარში ბეგაშვილის მეგობარმა.
შეგახსენებთ, ტელეწამყვანის შვილის დასახმარებლად გაიხსნა საბანკო ანგარიში, სადაც მსურველებს ნებისმიერი თანხის გადარიცხვა შეუძლიათ.
ბანკი რესპუბლიკა: GE39BR0000010929691997
მიმღები პირი: შორენა ბეგაშვილი
წაიკითხეთ:
შორენა ბეგაშვილი იაშვილის კლინიკიდან ევა ბარბაქაძის ფოტოს ავრცელებს
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
