მძიმე ავარიაში მოყოლილი გიორგი ლომინაძე და მისი მეუღლე პალატაში გადაიყვანეს

21 ივნისს ქუთაისი-სამტრედიის შემოვლით გზაზე მომხდარი ავარიის შედეგად დაშავებული მორაგბე გიორგი ლომინაძე და მისი მეუღლე პალატაში გადაიყვანეს, თუმცა მათი მდგომარეობა ამ დრომდე მძიმეა. Ambebi.ge გიორგი ლომინაძის ძმას ესაუბრა.

- მათი ჯანმრთელობის მდგომარეობა უკეთესია, მაგრამ ორივეს სჭირდებათ რამდენიმე ოპერაცია, გიორგის ფეხებზე. ასევე ხანგრძლივი რეაბილიტაცია.

- ამბობენ, რომ თურქეთში აპირებთ მათ გადაყვანას...

- ჯერ არ ვიცით სად გაუკეთდებათ ოპერაცია და როდის, რადგან ეს დიდ თანხებთან არის დაკავშირებული.

21 ივლისს სამტრედია-ქუთაისის გზაზე ერთმანეთს დიდი სისწრაფით მოძრავი ორი ავტომობილი შეეჯახა. ავარიას სამი ადამიანის, მათ შორის, ახალგაზრდა ცოლ-ქმრისა და მათი მეგობრის სიცოცხლე ემსხვერპლა.

ავტოსაგზაო შემთხვევის შედეგად ასევე დაშავდნენ მორაგბეები: 32 წლის მერაბ კვირიკაშვილი და 26 წლის გიორგი ლომინაძე, ასევე მათი მეუღლეები. კვირიკაშვილის მეუღლე ანანო ბუაძე მიღებული ტრამვების გამო დასავლეთ საქართველოს რეფერალურ საავადმყოფოში რამდენიმე დღის წინ გარდაიცვალა.

თამარ ბოჭორიშვილი

Ambebi.ge