დაიტბორა თუ არა ძლიერი წვიმის შედეგად მეტრო სადგურები - "თბილისის სატრანსპორტო კომპანიის" კომენტარი

"თბილისის სატრანსპორტო კომპანიაში" ძლიერი წვიმის გამო მეტროს სადგურების დატბორვის ფაქტს უარყოფენ. როგორც "ინტერპრესნიუსს" "თბილისის სატრანსპორტო კომპანიაში" განუცხადეს, ძლიერი წვიმის გამო მეტროს სადგურების დატბორვის შესახებ გავრცელებული ინფორმაცია სიმართლეს არ შეესაბამება.

კომპანიის განცხადებით, მეტროპოლიტენი ჩვეულ რეჟიმში მუშაობს და რაიმე შემთხვევა არ დაფიქსირებულა.

თბილისში ბოლო ერთი საათია ძლიერად წვიმს. წვიმამ რამდენიმე ქუჩაზე წყლის ნაკადი წარმოქმნა. ბახტრიონზე, კოსტავას ქუჩაზე, გმირთა მოედანზე, რუსთაველის გამზირსა და პეკინის ქუჩებზე წყლის ძლიერი ნაკადია.

ნახეთ: "ახალი გზით არ წამოხვიდეთ საბურთალოს მიმართულებით, სიცოცხლისთვის საშიშია!"