კვირის ყველაზე კითხვადი სტატიები
თვის ყველაზე კითხვადი სტატიები
21:51 / 15-06-2017
დათო როსტომაშვილზე თავდასხმას მისი ქალიშვილი აშშ-დან ეხმაურება - "რომელ კანონზეა საუბარი, როდესაც დამნაშავე ე.წ. კაპეზედან გაგექცევა"
იუმორისტ დათო როსტომაშვილზე მომხდარ თავასხმას მისი ქალიშვილი, ხატია როსტომაშვილი ეხმაურება, რომელიც ამჟამად ამერიკაში ცხოვრობს. მის განცხადებას სოციალურ ქსელში შოთო სიხარულიძე ავრცელებს:

"მინდა, მამაჩემთან დაკავშირებულ აგორებულ ჭორებზე გავაკეთო კომენტარი. ის ფაქტი, რომ 14 ივნისს დღისით, მზისით, თავს დაესხნენ დავით როსტომაშვილს, უკვე მთელი საქართველოსთვის ცნობილია. რეალურ მიზეზებს არასოდეს არავინ იკვლევს და ყოველთვის ყველაზე სწრაფად ვრცელდება უსაფუძვლო და უაზრო ჭორი, იმასთან დაკავშირებით რომ ის "მევახშეა" და მას 100-ზე მეტი ოჯახი ჰყავს გამწარებული, 100-ზე მეტი სახლი აქვს გადაფორმებული. (უბრალოდ სასაცილოა). ეს არასწორი და მამაჩემისთვის ყოვლად შეუფერებელი ინფორმაცია გაავრცელა ადამიანმა, რომელმაც ვფიქრობ, სიტყვა "მევახშის" განმარტება უნდა მოიძიოს ინტერნეტ სივრცეში. ნიკა მემანიშვილი, ადამიანი, რომელიც ამ ფაქტს ხმალამოღებული ამტკიცებს და ავრცელებს. ადამიანი, რომელსაც არავინ აღიარებს და ამ ვითარებას ბოროტად იყენებს პოპულარობისთვის. ეს ყოველივე სიმართლე რომ იყოს ფაქტებით ისაუბრებდა, მაგრამ, ფაქტი არ არსებობს და ვერც იარსებებს.

სახალხოდ მინდა მოიხადოს ბოდიში ასეთი უმსგავსო ბრალდების გამო. ეს ის შემთხვევაა, როცა ის თავის ყველა წარმოთქმულ სიტყვაზე პასუხს აგებს. არასოდეს, არავინ იცის მოცემული ფაქტის უკან რა რეალობა იმალება, ამიტომ არ უნდა აყვე და მისცე ბოროტებას საშუალება ჩაგითრიოს მორევში. მტკივა გული საქართველოში დღევანდელ ვითარებაზე, მიყვარს საქართველო და ვთვლი რომ პატრიოტი ვარ, თუმცა, დღითიდღე მიქრება უკან დაბრუნების სურვილი. საქართველოში არ არსებობს კანონი, სამართალი, მთავრობა, პოლიცია. თუმცა რომელ კანონზეა საუბარი, როდესაც დამნაშავეს აპატიმრებ და რამოდენიმე საათში ე.წ. კაპეზედან გაგექცევა. გაქცევა ცოტა ხმამაღალი ნათქვამია და ცოტა არ იყოს 21-ე საუკუნისათვის ფაქტიურად დაუჯერებელიც არის. ნეტავ ვინ დგას ამ ყველაფრის უკან? ქურდული გაგება? კაი ბიჭის ძმა? თუ... საქართველო დღეს უსუსური და დაუცველია. ნუ გაბოროტდებით და ნუ გაცვლით ყველაზე ღირსეულს დროებით ბედნიერებაში... თუ არავის და არაფრის გეშინიათ, შეგახსენებთ, რომ ღმერთის გეშინოდეთ!",
- ნათქვამია განცხადებაში.

იუმორისტ დათო როსტომაშვილს გუშინ ყაჩაღობის მიზნით თავს დაესხნენ. არსებული ინფორმაციით, როსტომაშვილს თავში ბეისბოლის ბიტა ჩაარტყეს. შესაბამისი გამოკვლევები მას ინგოროყვას კლინიკაში უკვე ჩაუტარდა. შინაგან საქმეთა სამინისტრომ თავდასხმაში ბრალდებული ერთი პირი უკვე დააკავა.

თუმცა "ნაციონალური მოძრაობის" წევრმა ნიკა მელიამ გაავრცელა ინფორმაცია, რომ დაკავებული ისნის პოლიციიდან გაიქცა. "თავდამსხმელი კი დააკავეს მაგრამ ამ წუთას ისნის რაიონული პოლიციის სამმართველოდან გაექცათ"- დაწერა მელიამ "ფეისბუქზე". აღნიშნულს შინაგან საქმეთა სამინისტროს პრესსამსახურში კატეგორიულად უარყოფენ.

წაიკითხეთ: დავით როსტომაშვილი თავდასხმის მომენტში შვილთან ერთად იმყოფებოდა - იუმორისტზე თავდასხმის ახალი დეტალები
10:50 / 29-06-2017
ლამარა
1
ისე გადავკეთდით ქართველები, ისე გავბოროტდით, რომ ყველას ცუდი გვიხარია ვისაც მატერიალური შესაძლებლობები უკეთესად აქვს, ვიდრე ჩვენ... აი ლანძღვა-გინებაში კი ბადალი არა გვყავს...
10:32 / 29-06-2017
ლამარა
1
ისე გადავკეთდით ქართველები, ისე გავბოროტდით, რომ ყველას ცუდი გვიხარია ვისაც მატერიალური შესაძლებლობები უკეთესად აქვს, ვიდრე ჩვენ... აი ლანძღვა-გინებაში კი ბადალი არა გვყავს...
ამ კატეგორიის სხვა სიახლეები
17:51 / 22-10-2017  Image თიანეთში, თამაზ მეჭიაურმა "ქართული ოცნების" კანდიდატთან 4 ხმით წააგო
ცესკოს ინფორმაციით, თიანეთის 20 უბნიდან 20–ვე დათვლილია
12:22 / 22-10-2017  Image რომელ ოლქებში დაინიშნება არჩევნების მეორე ტური
მერების მეორე ტურის ჩატარების მაქსიმალური ვადა 15 ნოემბერია
09:11 / 22-10-2017  Image აფხაზეთში, სავარაუდოდ, რუსი ტურისტის ცხედარი იპოვეს - "ჩემს შვილს სხვანაირი ფეხსაცმელი ეცვა, ცხედარს სხვა აცვია"
ბოლო წლებში, აფხაზეთის ზღვისპირა ქალაქებიდან რამდენიმე გოგონა დაიკარგა
10:16 / 22-10-2017  Image კახა კალაძის სტილის ევოლუცია და უცნობი ფოტოები (+15 PHOTO)
"კახა ისე იცვამს, როგორც ნამდვილი ევროპელი მამაკაცი"
12:50 / 30-09-2017  Image ვარსკვლავები, რომლებმაც დიეტა დაივიწყეს
ერთ დროს გამხდარი გოგონას ცნობა ახლა გაგიჭირდებათ
პოპულარული კომენტარები
ინტერნეტკონფერენცია
2017-10-15 07:45:43
ბავშვის აღზრდა რთული და ხანგრძლივი...
კონტაქტი

პალიტრამედიის ცხელი ხაზი:

5 77 11 11 30

ელ. ფოსტა: info@ambebi.ge

მისამართი: თბილისი, იოსებიძის ქ.#49