მარჯანიშვილის ქუჩისა და თამარ მეფის გამზირის კვეთაზე "ევროპული საქართველოს" ლიდერები და მათი მხარდამჭერები იკრიბებიან

მარჯანიშვილის ქუჩისა და თამარ მეფის გამზირის კვეთაზე პოლიტიკური გაერთიანება "ევროპული საქართველოს" ლიდერები და მათი მხარდამჭერები იკრიბებიან.

როგორც ჟურნალისტებს პარტიის ერთ-ერთმა ლიდერმა, დავით დარჩიაშვილმა განუცხადა, დღევანდელი აქცია არის ანტიფაშისტური აქცია. დარჩიაშვილის შეფასებით, საქართველოში ფაშიზმის სერიოზული გამოვლინებები შეიმჩნევა, რაც თავის მხრივ პირდაპირ თუ ირიბად დაკავშირებულია ხელისუფლებათან.

"პიროვნულად შეიძლება ჩავყვეთ, ვინ ვისთან როგორ ახლოს დგას და ვინ გრძნობს თავს სრულიად დაუსჯელად, რაც არ უნდა ჩაიდინოს", - განუცხადა ჟურნალისტებს დავით დარჩიაშვილმა. მისივე თქმით, დღევანდელი აქცია არის სრულიად მშვიდობიანი და დემოკრატიული. მარჯანიშვილის ქუჩაზე მობილიზებული არიან პოლიციის თანამშრომლები.

ნახეთ: სამართალდამცველების უპრეცედენტო რაოდენობა აღმაშენებლის გამზირზე - რა ხდება ადგილზე კონტრაქციის დაწყებამდე