"რუსთავი 2"-ზე ახალ მეგა-შოუებს პროდიუსერი დავით იმედაშვილი გააკეთებს
სატელევიზიო ბრძოლა "რუსთავი 2"-ს და "იმედს" შორის გრძელდება. თუმცა, ამჯერად არა რეიტინგებით, არამედ თანამშრომლებით. გაზაფხულის სატელევიზიო სეზონის დასრულებისთანავე ცნობილი გახდა, რომ "რუსთავი 2"-ის მეგაპროექტების ხელმძღვანელებმა გიორგი ხაბურზანიამ და დემნა ჯაფარიძემ "იმედზე" გადაინაცვლეს და რეიტინგული შოუ "ნიჭიერი" ახალი სეზონიდან უკვე "იმედის" ეთერში გავა.
ამასთან, როგორც AMBEBI.GE-სთვის გახდა ცნობილი, "იმედზე" გადავა ცნობილი გადაცემა "ექიმებიც". ასევე ჩვენს მიერ მოპოვებული ინფორმაციით, ხაბურზანია და ჯაფარიძე ახალ პროექტს, "Rising Star"-ს დაიწყებენ, რომელიც ევროპისა და აზიის მრავალ ქვეყანაში დიდი პოპულარობით სარგებლობს.
რაც შეეხება მეგა-შოუების პროდიუსერების შემცვლელს "რუსთავი 2"-ზე - ხაბურზანიას და ჯაფარიძეს დავით იმედაშვილი შეცვლის, რომელიც რამდენიმე ფილმის რეჟისორია და სატელევიზიო პროექტებიც აქვს განხორციელებული, მათ შორის "იმედზე" "ახალი ხმა".
AMBEBI.GE დავით იმედაშვილს დაუკავშირდა:
- ბატონო დავით, ცნობილია რომ საერთაშორისო პროექტებს "რუსთავი2"-ზე თქვენ უხელმძღვანელებთ, რა პროექტები ჩაანაცვლებს "იქს ფაქტორს" და "ნიჭიერს"?
- ჯერჯერობით ახალი მოსული ვარ "რუსთავი 2"-ში და ვმუშაობთ ახალ გეგმებზე. ძველი გადაცემებიც გავა ეთერში და ახალ პროექტებსაც შევთავაზებთ მაყურებელს. ფორმატებს ვალაგებთ უკვე, არჩევნებს გავუწევთ ანგარიშს და საშემოდგომო სეზონიდან გავალთ ეთერში.
- რომელი უცხოური შოუების შემქმნელებთან გაქვთ მოლაპარაკება?
- მალე გაიგებთ ყველაფერს. ჯერ ვერაფერს გეტყვით.
- ფაქტიურად ნოლიდან გიწევთ დაწყება, ცოტა ნის წინ, ნიკა გვარამიამ ფეისბუქზე დაწერა რომ გიორგი ხაბურზანიამ გუნდის სხვა წევრებიც გადაიბირა...
- როგორც ხედავთ მიტაცებებია, მაგრამ საინტერესოა ყველაფრის ნულიდან დაწყება და არც ახალი თანამშრომლები იქნება პრობლემა. სხვას ვერაფერს გეტყვით.
თამარ ბოჭორიშვილი
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
