"ესენი იმდენს იზამენ, ბოლოს ანდრია ჯაღმაიძე მართლა ხმას მომცემს..." - თამარ ჩერგოლეიშვილი

მთელი დღეა საზოგადოების ნაწილი განიხილავს ინფორმაციას, რომ ნეტარი მატრონა მოსკოველის სტალინის გამოსახულებიანი ხატის ერთ-ერთ ფრაგმენტზე "პატრიოტთა ალიანსის" ლიდერები დავით თარხან-მოურავი და ირმა ინაშვილი არიან გამოსახული.

თარხან-მოურავის თქმით, ხატზე გამოსახული ქალის და მამაკაცის ვიზუალი მისი და ირმა ინაშვილის ვიზუალისგან სრულიად განსხვავებულია. ეს უარყო ირმა ინაშვილმაც. ამ საკითხს სახალისო პოსტით ეხმაურება "ტაბულას" დამფუძნებელი და "ევროპული საქართველოს" ერთ-ერთი ლიდერი თამარ ჩერგოლეიშვილი.

"ესენი იმდენს იზამენ, ბოლოს ანდრია ჯაღმაიძე მართლა ხმას მომცემს...

თავისი თავებიც რომ შეუცუნცულებიათ სამებაში სტალინთან და მატრონასთან ერთად, მაგაზე უბრალოდ ცუდად ვხდები სიცილით", - წერს ის.

იხილეთ ასევე:

• "ამ ხატზე ჩვენ არ ვართ... ირმა ინაშვილს შავი თმა აქვს, ხატზე გამოსახულ მანდილოსანს - ყავისფერი, მე 10 წელია მელოტი ვარ, ეგეთი თმა მაქვს?" - დავით თარხან-მოურავი
• "ხატია დეკანოიძეს უფრო ჰგავს" - ირმა ინაშვილი მატრონას ხატზე გამოსახულ ქალზე