"ხატია დეკანოიძეს უფრო ჰგავს" - ირმა ინაშვილი მატრონას ხატზე გამოსახულ ქალზე
"პატრიოტთა ალიანსის" ლიდერი, ირმა ინაშვილი უარყოფს სოციალურ ქსელში გავრცელებულ ინფორმაციას, რომ წმინდა მატრონას ხატზე ის და დავით თარხან-მოურავიც არის გამოსახული.
როგორც ინაშვილი სოციალურ ქსელში წერს, ხატზე გამოსახული მანდილოსანი „ხატია დეკანოიძეს უფრო ჰგავს, ვიდრე მას.“
"არა ვარ, მეგობრებო, გამოსახული წმინდა მატრონას ხატზე. ასეთი დახვეწილი არც სახე მაქვს და მითუმეტეს, არც ცხვირი. თმაც შავი მაქვს და სახის ფერიც უფრო მუქი.
ისე, თუ მიმსგავსება უნდათ ზოგიერთებს, ხატია დეკანოიძეს უფრო ჰგავს ეს მანდილოსანი, ვიდრე მე.
დავით თარხან-მოურავი საერთოდ რვა წელია მელოტია და არც ცხვირი აქვს ჩაზნექილი, არც თვალი უგავს და არც წარბი, ეს ფიგურა სერგი კაპანაძეს უფრო ჰგავს, ვიდრე დათოს, მაგრამ ნათლისღებაა დღეს და ახალი „სკანდალი“ ხომ უნდა გამოაცხონ?! სასაცილოა ეს ყველაფერი. სერიოზულ კომენტარსაც კი ვერ გააკეთებ“, - წერს ირმა ინაშვილი.
წაიკითხეთ ასევე:
- "გამიხარდებოდა, ასეთი დახვეწილი სახე და ცხვირი რომ მქონდეს... ამ გოგონას გვერდით რომ მამაკაცია, თქვენი ლოგიკით, სერგი კაპანაძე იქნება" - ირმა ინაშვილი
- "ამ ხატზე ჩვენ არ ვართ... ირმა ინაშვილს შავი თმა აქვს, ხატზე გამოსახულ მანდილოსანს - ყავისფერი, მე 10 წელია მელოტი ვარ, ეგეთი თმა მაქვს?" - დავით თარხან-მოურავი