ვერტმფრენში მყოფ ორ ადამიანს ხელი ჰკრა, შემდეგ თვითონაც გადახტა - უდიდესი ტრაგედია და თან, სასწაულებრივად გადარჩენის ამბავი: რა მოხდა ალპებში
ბრიტანელმა მამაკაცმა ალპებში ორი ძმა სიკვდილს გადაარჩინა. საქმე ისაა, რომ ზვავმა დაიწყო ჩამოწოლა, რის შედეგად, მთის მწვერვალზე მყოფ ვერტმფრენსა და მასში მყოფ ადამიანებს ტრაგედია ელოდათ.
- ედვარდ ქარიჯმა ვერტმფრენში მყოფ ძმებს ხელი ჰკრა, გადააგდო და თვითონაც გადახტა. სამწუხაროდ, ბრიტანელმა მამაკაცმა ყველა მგზავრის გადარჩენა ვერ მოახერხა. იქ კიდევ სამი ადამიანი იმყოფებოდა, რომლებიც მომხდარის შედეგად დაიღუპნენ.
70 წლის ედვარდ ქარიჯმა მოასწრო და ძმები გადმოყარა, სანამ ზვავი მოიყოლებდათ.
ზვავი ალპების დიდ ნაწილს დაატყდა თავს და პოპულარულ სათხილამურო ადგილას ქაოსი გამოიწვია. გადარჩენილი ძმებიდან ტედი და გაი ჰიჩენსებიდან გაი მძიმედ დაშავდა და ჯერ კიდევ საწოლსაა მიჯაჭვული, ტედმა კი საავადმყოფო ყავარჯნებით დატოვა.
ქარიჯს რაც შეეხება, მას ოპერაცია უტარდება, რადგან გადახტომისას რამდენიმე ძვალი მოიტეხა, იუწყება The Telegraph.
კატასტროფას ემსხვერპლა პილოტი ჯერომ ლოვი, მოთხილამურე ჯეიმზ გოფი და გიდი ადამ ჯორჯი.
ადგილობრივმა პოლიციამ განცხადება გაავრცელა: "ვერტმფრენი ზღვის დონიდან 3 668 მეტრის სიმაღლეზე, მთის მწვერვალზე იყო, როცა ჩრდილოეთ ფერდობზე ჩამოცურდა". მედიის ცნობით, მგზავრთა ჯგუფს მთიდან თხილამურებით სრიალი ჰქონდა დაგეგმილი.
წყარო: thesun
- ნახეთ ასევე:
- "ეს ბოლო შანსი იყო" - ცოლ-ქმარი და მათი 2 წლის შვილი ავიაკატასტროფას სასწაულებრივად გადაურჩნენ: საშინელებათა ჟანრის რეალური ამბავი ბედნიერი დასასრულით (ფოტოები)
- მექსიკაში, ატრაქციონზე 6 წლის ბავშვს უსაფრთხოების ქამარი გაუწყდა და 12 მეტრის სიმაღლიდან ჩამოვარდა - "მისი გადარჩენა სასწაულია, ეს მეორედ დაბადებაა"
მოამზადა: ანა სიბოშვილმა