"ვინც მამაზე ღელავთ, ის უბრალოდ გპასუხობთ: "არ ინერვიულოთ" - როგორ გამოიყურება 88 წლის ალენ დელონი? მსახიობის შვილი უახლეს ფოტოს აქვეყნებს
ლეგენდარული მსახიობის, ალენ დელონის ერთადერთი ქალიშვილი, ანუშკა დელონი "ინსტაგრამზე“ მამის ფოტოს აქვეყნებს:
"პარასკევს დილით მამაჩემს სურათი გადავუღე. მასთან ერთად საუზმისთვის უსაზღვროდ მადლიერი ვარ. ეს ჩემს სამყაროში ყველაზე ტკბილი და უნიკალური მომენტია.
ვფიქრობ, ძალიან სიმპათიურია. თავისი მარადიული ლურჯი, ფოლადის, ცოცხალი თვალებით, მებრძოლი იერით, რომელიც წარმოუდგენელ ძალას მაძლევს. ჩემთვის ის უკვდავია.
ფოტო ვაჩვენე და ძალიან მოეწონა.
ასე რომ, მისი ნებართვით გიზიარებთ. მათ კი, ვინც მამაზე ღელავთ, ის უბრალოდ გპასუხობთ: "არ ინერვიულოთ", - წერს ანუშკა დელონი.
- ამბობენ, რომ ერთადერთი შვილი, რომელთანაც დელონმა შეძლო ადამიანური ურთიერთობის შენარჩუნება, მისი ქალიშვილი ანუშკაა. მსახიობი ამბობს, რომ ყოველთვის ქალიშვილზე ოცნებობდა და ანუშკას სასწაულს უწოდებს.
ცნობილია, რომ ალენ დელონს შვილებთან ურთიერთობა არ გამოუვიდა - ვაჟმა ენტონიმ არაერთხელ განუცხადა პრესას, რომ მშობლების განქორწინების შემდეგ დელონი არ ავლენდა ინტერესს მისი ცხოვრების მიმართ და შესაბამისად, მათ შორის განსაკუთრებული კავშირი არ არსებობდა. იგივე შეიძლება ითქვას მსახიობის უმცროს შვილზეც - დელონისა და როზალი ვან ბრემენის დაშორების შემდეგ, ალენ-ფაბიენი სარეაბილიტაციო კლინიკაში მოხვდა.
მოგვიანებით, ფაბიენმა მამა ფიზიკურ ძალადობაშიც დაადანაშაულა. დელონმა შვილის ბრალდებებს გაზეთ Le Parisien-თან ინტერვიუში უპასუხა:
"ეს სიგიჟეა. ჩემმა შვილმა გონება დაკარგა და ფულის გამო სენსაციურ ინტერვიუებს იძლევა. მე არ ვარ ის, ვინც ოჯახის წევრზე ფიზიკურად იძალადებს", - ამბობდა წლების წინ მსახიობი.
- ნახეთ ასევე:
- "ჩემი ძმები სახლში იარაღით დადიან და თვლიან, რომ "ველურ დასავლეთში" არიან" - პოლიციამ ალენ დელონის სახლიდან 72 ცეცხლსასროლი იარაღი ამოიღო: რას ამბობს ვარსკვლავის ქალიშვილი
- "როცა მოდიოდა, წინასწარ აფრთხილებდა, რომ არ გამოვჩენილიყავი" - ალენ დელონის ბნელი მხარე და შვილი, რომელიც უარყო: არი ბულონის ტრაგიკული ამბავი