მაგდა პაპიძემ განაჩენი გაასაჩივრა - შეეცვლება თუ არა უვადო პატიმრობა ქმარ-შვილის მკვლელობისთვის მსჯავრდებულს

მაგდა პაპიძემ განაჩენი გაასაჩივრა - შეეცვლება თუ არა უვადო პატიმრობა ქმარ-შვილის მკვლელობისთვის მსჯავრდებულს

მეუღლისა და შვილის მკვლელობისთვის მსჯავრდებულმა მაგდა პაპიძემ მის მიმართ თბილისის საქალაქო სასამართლოს მიერ გამოტანილი განაჩენი სააპელაციო სასამართლოში გაასაჩივრა.

თბილისის სააპელაციო სასამართლოში მსჯავრდებულის საჩივარი 4 აგვისტოს შევიდა.

მაგდა პაპიძის სარჩელი, რომლითაც მსჯავრდებული საქალაქო სასამართლოს მიერ მისთვის შეფარდებული სასჯელის ვადის შემცირებას ითხოვს, სააპელაციო სასამართლოში პაპიძის ადვოკატებმა შეიტანეს. პაპიძის ამ საჩივრით, მხოლოდ თბილისის საქალაქო სასამართლოს მოსამართლის მიერ სასჯელთან დაკავშირებით მიღებული გადაწყვეტილება გასაჩივრდა, რადგან ნაფიცი მსაჯულების მიერ გამოტანილი ვერდიქტი საბოლოოა და გასაჩივრებას არ ექვემდებარება.

შესაბამისად, რა გადაწყვეტილებაც არ უნდა მიიღოს სააპელაციო სასამართლომ მაგდა პაპიძე პატიმრობაში დარჩება, თუმცა შესაძლოა მას უვადო პატიმრობა ვადიანით შეეცვალოს.

პროცედურების თანახმად სასამართლომ თავდაპირველად უნდა იმსჯელოს სარჩელის დასაშვებობაზე და თუ საკითხი დადებითად გადაწყდა, სასამართლო განხილვები, საკასაციო წესით წარიმართება.

მეუღლისა და შვილის მკვლელობაში ბრალდებულ მაგდა პაპიძის მიმართ ნაფიცმა მსაჯულებმა გამამტყუნებელი ვერდიქტი 4 ივლისს გამოიტანეს. სასჯელის დანიშვნის სხდომაზე კი, რომელმაც ნაფიცი მსაჯულების მონაწილეობის გარეშე გაიმართა მოსამართლემ მას უვადოდ თავისუფლების აღკვეთა მიუსაჯა.

თორნიკე კოშკაძე

AMBEBI.GE

ასევე წაიკითხეთ: "სულ თავიდან თოკო დამესიზმრა, მანქან­ისკენ მიმათრევდა..." - რას წერს მაგდა პაპიძე ციხიდან გამოგზავნილ წერილში

დაპირისპირება თბილისის ცენტრში - რამდენიმე მამაკაცი ფიზიკურად გაუსწორდა

"სათამაშო ბიზნესი "ქართულ ოცნებაში" ე.წ. შავ სალაროს ავსებს" - ვინ მფარველობს ონლაინკაზინოებს?

პოლიციელებმა 35 წლის მამაკაცის გატაცებაში ფული აიღეს? - რა ახალ დეტალებს ამჟღავნებს "კურიერი" რუსთავში მომხდარი მკვლელობის შესახებ