"მე და ტარიელს გვქონდა პრობლემები" - ია ფარულავას პირველი კომენტარი სასამართლოს დატოვების შემდეგ
მსახიობი და ტელეწამყვანი ია ფარულავა მედიით გავრცელებულ ინფორმაციას, რომ თითქოს მეუღლეს, ტარიელ სუარს სასამართლოში სექსუალური ძალადობის გამო უჩივლა, უარყოფს. ია ფარულავა მომხდართან დაკავშირებით პირველ კომენტარს Ambebi.ge-სთან აკეთებს.
- ია, რასთან დაკავშირებით იმყოფებოდით დღეს სასამართლოში?
- პირველ რიგში, მინდა სამარცხვინო ვუწოდო იმ ინფორმაციას, რაც მედიის მეშვეობით გავრცელდა, თითქოს ტარიელს ვუჩივლე სექსუალური ძალადობის გამო. მე და ტარიელს გვქონდა პრობლემები. მას დაგეგმილი აქვს ტურნე, არაერთი კონცერტის ჩატარება, მაგრამ როგორც აღმოჩნდა, უამრავი მტერი ჰყავს და სწორედ ამის გამო მივმართეთ სასამართლოს.
ხმამაღლა მინდა განვაცხადო, რომ ტარიელ სუარი ყველაზე მაგარი მუსიკოსია, როგორც საქართველოში და ამიერკავკასიაში, ასევე მთელ ევროპაში, ამიტომაც ჰყავს უამრავი მტერი და იძულებული გავხდით სასამართლოსთვის მიგვემართა.
ვიცი, რომ ჟურნალისტები ყოველთვის არიან სასამართლოს ეზოში, ამიტომ არ მინდოდა ზედმეტი ხმაური და შესაბამისად ჩაცმული მივედი სასამართლოზე. ეს იყო და ეს, - ამბობს მსახიობი.
თამარ ბოჭორიშვილი
AMBEBI.GE
იხილეთ ასევე: ფარულავამ და სუარმა სასამართლო უკომენტაროდ დატოვეს - რა ხდებოდა დახურულ კარს მიღმა
ია ფარულავა ტარიელ სუარს სექსუალური ძალადობის გამო სასამართლოში უჩივის?
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
