28 დეპუტატს ერთი წლის განმავლობაში არც ერთი განცხადება არ გაუკეთებია

28 დეპუტატს ერთი წლის განმავლობაში არც ერთი განცხადება არ გაუკეთებია

პარლამენტის 28 წევრი, მე-8 მოწვევის პარლამენტის შეკრებიდან ერთი წლის განმავლობაში, პლენარულ სხდომაზე არანაირი განცხადებით არ გამოსულა , - ამის შესახებ "საერთაშორისო გამჭვირვალობა – საქართველოს" მე-8 მოწვევის პარლამენტის პირველი წლის მუშაობის შეფასების ანგარიშშია ნათქვამი.

საანგარიშო პერიოდი მოიცავს 2012 წლის 21 ოქტომბრიდან (ახლად არჩეული პარლამენტის პირველი შეკრების დღე) 2013 წლის 21 ოქტომბრამდე პერიოდს. როგორც ანგარიშშია ნათქვამი,  პარლამენტის 28 წევრს ერთი წლის განმავლობაში არც საკანონმდებლო ინიციატივის წარდგენის უფლებით და არც პლენარულ სხდომაზე რაიმე ფორმით სიტყვით გამოსვლის უფლებით არ უსარგებლია, მათგან   უმრავლესობის 13 წარმომადგენელია, 8 - უმცირესობის, ხოლო 7 არც ერთს არ ეკუთვნის. გარდა ამისა, ანგარიშის თანახმად, პარლამენტის მუშაობის ერთწლიან პერიოდში პლენარულ სხდომაზე სიტყვით გამოსვლის უფლება 121-მა პარლამენტის წევრმა გამოიყენა, საკანონმდებლო ინიციატივის წარდგენის უფლებით კი, მხოლოდ 54-მა. იმ 51 პარლამენტის წევრს შორის, რომლებიც ერთი წლის განმავლობაში პლენარულ სხდომებზე 30-ზე მეტჯერ გამოვიდნენ სიტყვით 28 უმრავლესობის წარმომადგენელია, 21 - უმცირესობის, 2 - არც ერთს არ ეკუთვნის.

პლენარულ სხდომებზე სიტყვით გამოსვლის რაოდენობის მიხედვით ლიდერობენ ვახტანგ ხმალაძე, კობა დავითაშვილი, პავლე კუბლაშვილი, სერგო რატიანი და ზაქარია ქუცნაშვილი. ინიცირებული კანონპროექტების რაოდენობის მიხედვით კი ლიდერობდნენ ირინე იმერლიშვილი, კობა დავითაშვილი, დავით ონოფრიშვილი, ირაკლი სესიაშვილი და გიორგი ცაგარეიშვილი.

"ინტერპრესნიუსი"

LIVE - ეთერშია გადაცემა "პოლიტNEWS"

"სანამ მედიცინა არ დაამარცხებს კორონავირუსს, ეკონომიკა მედიცინის მძევლად დარჩება" - როგორ აფასებს ლადო პაპავა მთავრობის ახალ რეგულაციებს

"ჩვენთვისაც მძიმე იყო ამ გადაწყვეტილების მიღება" -  რას ამბობს ვიცე-პრემიერი ქვეყანაში დაწესებულ შეზღუდვებზე?