დარიალის ხეობაში მთის მასა მშენებარე ჰესის მიმდებარე ტერიტორიაზე მოწყდა

დარიალის ხეობაში სადაც მთის მასა მოწყდა, მაშველები მუშაობენ. როგორც "ინტერპრესნიუსს" მცხეთა-მთიანეთის გუბერნატორმა ნუგზარ ყიფიანმა განუცხადა, ამ წუთებში, შემთხვევის ადგილზე მობილიზებულია სამაშველო სამსახური, საპატრულო პოლიციისა და სამედიცინო დახმარების ბრიგადები. სამაშველო ბრიგადები გაემგზავრა თბილისიდანაც.

მცხეთა-მთიანეთის გუბერნატორის ინფორმაციით, შემთხვევა დარიალის ხეობაში ცოტა ხნის წინ მოხდა. მთის მასა საქართველო-რუსეთის საზღვართან ახლოს, მშენებარე ჰესის მიმდებარე ტერიტორიაზე მოწყდა.

ამასთან, არაოფიციალურად ვრცელდება ინფორმაცია მსხვერპლის შესახებ, რაც დადასტურებული არ არის.

"ინტერპრესნიუსი"