ამ დროისთვის დარიალის ხეობაში 15-მდე ადამიანის გადარჩენა მოხერხდა

დარიალის ხეობაში, მთის მასის ქვეშ მოყოლილი ადამიანებიდან მაშველებმა 15 მათგანი ცოცხალი ამოიყვანეს. ამის შესახებ "ინტერპრესნიუსს" შინაგან საქმეთა სამინისტროს პრესსამსახურიდან აცნობეს.

ამასთან, რაც შეეხება გავრცელებულ ინფორმაციას სამი თურქი მუშის დაღუპვის შესახებ, ამ ფაქტის შესახებ ოფიციალური დადასტურება არ არსებობს.

დღეს დარიალის ხეობაში მთა მოწყდა, რამაც მდინარე თერგის დაგუბება გამოიწვია. ხეობაში მოსახლეობისა და მგზავრების ევაკუაცია განხორციელდა.

წინასწარი ინფორმაციით, დაღუპულია სამი თურქი მუშა, რომლებიც ჰესის მშენებლობაზე მუშაობდნენ.

"ინტერპრესნიუსი"