ოზურგეთის მუნიციპალიტეტის სოფელ მერიაში, მე-5 კლასელ ბავშვს, საპატრულო პოლიციის თანამშრომელი, გიორგი ჯურკველიძე დაეჯახა.
როგორც სოფელ მერიის საჯარო სკოლის დირექტორი ავთო კეჭაყმაძე აღნიშნავს, ბავშვი სკოლის წინ, ცენტრალურ გზაზე გადადიოდა, რა დროსაც მას მანქანა დაეჯახა.
შინაგან საქმეთა სამინისტროს ინფორმაციით, პირი, რომელიც მანქანას ატარებდა, მათთან ხელშეკრულებით მუშაობს. მანქანა კი, არა საპატრულო ეკიპაჟის, არამედ სამსახურებრივია.
ბავშვის ჯანმრთელობის მდგომარეობა სტაბილურად მძიმეა და ის ამ წუთებში რეანომობილით ქუთაისში გადაჰყავთ.