რა ფერის თაროს შეიძენს რატი დურგლიშვილი წიგნის ფესტივალზე

რა ფერის თაროს შეიძენს რატი დურგლიშვილი წიგნის ფესტივალზე

უკვე დიდი ხანია, რაც სრულიად საქართველოსთვის წიგნის დღედ ყოველთვიურად ორი ორშაბათი იქცა. ამ დღეებში ჟურნალ ''კვირის პალიტრას'' მოჰყვება ყველაზე პოპულარული სერია ''50+ბიბლია+49 წიგნი, რომელიც უნდა წაიკითხო სანამ ცოცხალი ხარ''. ყველა აღიარებს, რომ ამ პროექტმა მოსახლეობის დიდი ნაწილი კითხვისკენ შემოაბრუნა, მაგრამ გაჩნდა პრობლემა, სად წავიღოთ ამდენი კარგი წიგნი, რომელიც რეალურად ჩვენს სახლს ძალიან მოუხდება. სხვათა შორის ამაზე ხშირად წუწუნებდნენ პროექტის ერთგული მხარდამჭერებიც.

''გამომცემლობა პალიტრა L''-მა ერთგული მკითხველისთვის საუკეთესო გამოსავალი იპოვა და კონკურსი გამოაცხადა დიზაინის შექმნაში. მკითხველის აქტიური მონაწილეობით, შეიქმნა სპეციალური თაროები, რომლებზეც საყვარელი სერიის განთავსება შეგიძლიათ.

ამ არაჩვეულებრივ სერიას უამრავი ცნობილი სახე აგროვებს. მათ შორის არის მომღერალი რატი დურგლიშვილიც, რომელსაც ''ფეისბუქზე'' პროექტის გვერდიც დალაიქებული აქვს.

რატი:

- ძალიან კარგი პროექტია, დაწყების დღიდან მთელი ოჯახი ჩართული ვართ და რამდენიმე ეგზემპლარად ვაგროვებთ. მაგალითად, ცალკე ვუგროვებთ ჩემს დისშვილს. ეს წიგნები თითოეული ოჯახისთვის ძალიან დიდი შენაძენია. მერწმუნეთ, არც ერთი წიგნი არ გვაქვს გამოტოვებული.

- რატი, ''პალიტრა L'' არაჩვეულებრივ შანსს აძლევს ერთგულ მკითხველს, დამზადდა სპეციალური თაროები, რომლებზეც შეგიძლია, შეგროვებული სერია განათავსო.

- ძალიან სასიამოვნოა, სიხარულით შევიძენთ. ჩემს ოჯახს გაუხარდება. დედა, მამა, ყველა ამ პროექტის ერთგულია. დიდ საქმეს აკეთებთ.

- სამი ფერის თაროების არჩევანი გაქვს: შავი, თეთრი და ყავისფერი, რომელს შეარჩევ?

- იმდენად ლამაზი წიგნებია, მაღალი პოლიგრაფიით, რომ ვფიქრობ, შავი თარო მოუხდება. განსაკუთრებულად მომწონს ოქროსფერი ვარსკვლავი, რომელიც ყველა წიგნს ახატია.

როგორც გავარკვიეთ, თაროები გაიყიდება წიგნის ფესტივალზე 29 მაისიდან 1 ივნისის ჩათვლით, ''ექსპო ჯორჯიას'' მე-11 პავილიონში, ''პალიტრა L''-ის სტენდთან. ერთ თაროზე ეტევა მხოლოდ 50 წიგნი, მთელი სერიის, ანუ 100 წიგნის დასატევად ორი თარო იქნება საჭირო.

სპეციალური საფესტივალო ფასი იქნება 99 ლარი. აარჩიეთ, შავი, თეთრი და ყავისფერი და გაალამაზეთ ინტერიერი.

შემდეგში თაროების შეძენა შესაძლებელი იქნება, როგორც ''ბიბლუსის" მაღაზიებში, ისე დაკვეთით, კურიერის მომსახურებით!

ახალგაზრდებისთვის საინტერესო ამბები!

შოთა რუსთაველის გაციფრულებული პორტრეტი და „ვეფხისტყაოსნით“ შთაგონებული კოლექცია

"ნინის კითხვის საათი" – "ბიბლუსის" პროექტი, რომელიც წელს ათასობით ბავშვს გააერთიანებს