"ვენები გადაიჭრა და ზღვაში გადახტომა სცადა" - 22 წლის გოგონას თვითმკვლელობის მცდელობა ბათუმში

ბათუმში, ბულვარის სანაპიროზე 22 წლის გოგონამ თვითმკვლელობა სცადა. როგორც აჭარის საგანგებო და გადაუდებელი სიტუაციების მართვის სააგენტოს უფროსმა მამუკა თურმანიძემ "ინტერპრესნიუსს" განუცხადა, გოგონამ ხელზე ჯერ ვენები გადაიჭრა, შემდეგ კი ზღვაში შესვლა სცადა. მისივე განმარტებით, ბულვარის სანაპიროზე სამაშველო სამსახურის თანამშრომლებმა გოგონას პირველადი დახმარება აღმოუჩინეს.

"ბულვარის სანაპიროზე 22 წლის გოგონამ ვენები გადაიჭრა, შემდეგ კი ზღვაში გადახტომა სცადა. ჩვენმა მაშველებმა გოგონას ზღვაში გადახტომის საშუალება არ მისცეს, აღმოუჩინეს პირველადი დახმარება და პოლიციის განყოფილებაში მიიყვანეს", - აღნიშნა მამუკა თურმანიძემ. მისივე თქმით, ახალგაზრდა გოგონა შოკურ მდგომარეობაში იმყოფებოდა.

"ინტერპრესნიუსი"