გიგი უგულავა ქართული ფეხბურთის ვარსკვლავებს უპირისპირდება - "ოცნების" მაისურში გამოწყობილი არველაძეები, იაშვილი და შელია
პოლიტიკური ტექნოლოგიები ელექტორატის ემოციებზე აპელირების სხვადასხვა მეთოდებს მოიცავს, მათგან ერთ-ერთი ყველაზე აპრობირებული ცნობილი ადამიანების ღია ან ფარულ მხარდამჭერებად გამოყენებაა. მსოფლიო, და მათ შორის ქართული პოლიტიკის ისტორიაში არაერთხელ გვინახავს, თუ როგორ გამხდარა ესა თუ ის ცნობილი მომღერალი, სპორტსმენი თუ მსახიობი ამა თუ იმ პარტიის მხარდამჭერი. დივიდენდების სანაცვლოდ, ცნობილი ადამიანები მათ გულშემატკივრებს, კონკრეტული პოლიტიკური პარტიის მიმართ კეთილგანწყობისკენ მიუთითებენ.
თუმცა, როგორც წესი, პოპულარული ადამიანებისთვის, მეტწილად, მოქმედი მთავრობის მხარდაჭერა ბევრად მომგებიანია, ვინაიდან სარგებელი მათგან მეტია...
თითოეულ ჩვენგანს კარგად ახსოვს მომღერლებისა თუ მსახიობების უდიდესი შემადგენლობა, რომელიც თავის დროზე ედუარ შევარდნაძეს უჭერდნენ მხარს, შემდეგ კი მიხეილ სააკაშვილის მხარდამჭერები გახდნენ, თუმცა დრო იცვლება და იცვლებიან მათი პოლიტიკური ფავორიტებიც...
როგორც ჩანს, გიგი უგულავას, რომელიც მთავრობაში ყოფნის პერიოდში განებივრებული იყო ცნობილი ადამიანების მხარდამჭერი განცხადებებით, მათი ყურადღება შემოაკლდა, რაც გულს წყვეტს...
უგულავა Facebook-ის ოფიციალურ გვერდზე აქვეყნებს ფოტოს, რომელშიც ქართული ფეხბურთის ვარსკვლავები, ალექსანდრე იაშვილი, მურთაზ შელია, აჩიკო, რეზი და შოთა არველაძეები "ქართული ოცნების" მაისურებში არიან გამოწყობილი.
Facebook/გიგი უგულავა:
"მთავრობა
მთავრობამ
მთავრობას
მთავრობის
მთავრობით
მთავრობად
მთავრობავ
ეს ხალხი სულ მთავრობაშია, ოღონდ მთავრობას ასე ატრიალებს ხოლმე ბრუნვაში", - წერს თბილისის უფლებამოსილება შეჩერებული მერი.
შორენა ბეგაშვილისა და ევა ბარბაქაძის ემოციური ფოტო თურქეთის კლინიკიდან
ქართველმა მამაკაცმა შეყვარებულს ხელი თაიმ სქვერზე სთხოვა - Love Story ნიუ-იორკიდან
