"მთვრალი პოლიციელების ჩხუბი დადგმული იყო" - სოსო ჯაჭვლიანის ხმაურიანი ბრალდება თამარ ჩერგოლეიშვილს

მთვრალი პოლიციელების ჩხუბი, რომელიც ტელეკომპანია "ტაბულამ" გაავრცელა, საპარლამენტო უმრავლესობის წევრს, სოსო ჯაჭვლიანს ეჭვებს უჩენს. დეპუტატი სოსო ჯაჭვლიანი "ალიასთან" ინტერვიუში ამბობს, რომ კადრები დადგმულია. 

"როგორც მე ვიცი, მაგ პოლიციელებს წყალი ჰქონდათ შეყენებული და ჯავრი ამ ფორმით იყარეს. ეს არის ჩერგოლეიშვილის ტელევიზიის მიერ დადგმული ახალი სპექტაკლი. მაგათ იცოდნენ, რომ უკვე ტრაკში იყვნენ და ამიტომაც მოიქცნენ ასე", - ამბობს სოსო ჯაჭვლიანი.

შეგახსენებთ, რომ ინციდენტის ამსახველი ვიდეომასალა "ტაბულამ" 18 ივნისს გაავრცელა. იმავე დღეს ჩხუბის მონაწილე პოლიციელები სამსახურიდან დაითხოვეს.