საოცრად გადარჩენილი მამა-შვილი ნავენახარის მღვიმეში: ბიჭი 30 მეტრამდე სიღრმის მღვიმეში ჩავარდა და მამაც მიჰყვა
ნავენახევის მღვიმის მახლობლად, მამა-შვილი უცნობ მღვიმეში ჩავარდა. შემთხვევა თერჯოლის რაიონის სოფელ ნავენახევში მოხდა. მამა-შვილის გადარჩენა იმერეთის საგანგებო სიტუაციების სამსახურის თანამშრომლებმა შეძლეს.
როგორც იმერეთის საგანგებო სიტუაცების სამსახურის უფროსის მოადგილე ჟურნალისტებთან საუბარში აცხადებს, მამა-შვილი ნავენახევის მღვიმის მახლობლად ყანას ღობავდა, როდესაც შვილი დაახლოებით 30 მეტრამდე სიღრმის მღვიმეში ჩავარდა, რომლის არსებობის შესახებ არავინ არაფერი არ იცოდა.
"ისინი ყანას ღობავდნენ, როდესაც შვილი მღვიმეში ჩავარდა, შემდეგ მას მამაც მიჰყვა. ჩვენ ოპერატიულად მივედით შემთხვევის ადგილას, თუმცა სამუშაო საკმაოდ რთული იყო. მღვიმეში არაფერი არ ჩანდა. საბედნიეროდ, ორივე უვნებლად ამოვიყვანეთ. შვილს მხოლოდ წელის არეში აქვს დაზიანება", - აცხადებს სამაშველო სამსახურის უფროსის მოადგილე აკაკი ყვავაძე.
ბამბის რიგში რესტორანი იწვის - ადგილზე 4 სახანძრო მუშაობს
დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე
