ფოთში 14 წლის ბიჭი დაიხრჩო

ფოთში, ზღვისა და მდინარე რიონის შესართავთან, დღეს 14 წლის ბიჭი დაიხრჩო. შემთხვევა დილით მოხდა. წყალში შესული ორი მეგობრიდან ერთ-ერთის გადარჩენა, იქვე არსებული ნიჩბოსნობის სკოლის სპორტსმენებმა შეძლეს, მეორეს გადარჩენა კი ვერ მოხერხდა.

"ვარჯიშის პროცესი მიმდინარეობდა და ყვირილი შემოგვესმა, სპორტსმენებთან ერთად მხოლოდ ერთის გადარჩენა მოვახერხეთ, მეორის გადარჩენა ვერ შევძელით", - განაცხადა ნიჩბოსნობის სკოლის მწვრთნელმა "ინტერპრესნიუსთან" საუბარში.

სამძებრო სამუშაოებში ჩართულია ქალაქის სამაშველო სამსახური და ფოთის სანაპირო დაცვა.