თავდაცვის სამინისტროში ადასტურებენ, რომ აეროპორტის გზაზე ქალს სამინისტროს კუთვნილი მანქანა დაეჯახა

თავდაცვის სამინისტროში ადასტურებენ, რომ აეროპორტის გზაზე ქვეითად მოსიარულეს სამინისტროს კუთვნილი ავტომანქანა დაეჯახა.

როგორც "ინტერპრესნიუსს" თავდაცვის უწყებაში განუცხადეს, სამინისტროს საინჟინრო ბრიგადის ავტომანქანა ვაზიანის ბაზაზე მიდიოდა, როდესაც ავტოავარია მოხდა.

სამინისტროს ინფორმაციით, უკვე დადგენილია, რომ ავტომანქანა მოძრაობდა 80 კმ/სთ სიჩქარით. საქმეს სამხედრო პოლიცია იძიებს.

აეროპორტის გზაზე დღეს ავტოავარია მოხდა, რომელსაც მსხვერპლი მოჰყვა. ავტომანქანა ქვეითად მოსიარულე შუახნის ქალს დაეჯახა, რომელიც გზატკეცილზე გადადიოდა. ქალი ადგილზე გარდაიცვალა.

"ინტერპრესნიუსი"