ქობულეთში 55 წლის მამაკაცი დაიხრჩო

ქობულეთში, გამგეობის შენობის მიმდებარედ ზღვაში 55 წლის მამაკაცი დაიხრჩო. როგორც "ინტერპრესნიუსს" ქობულეთის სამაშველო სამსახურში განუცხადეს, მამაკაცი ზღვაში სავარაუდოდ ნასვამ მდგომარეობაში შევიდა. სამაშველო სამსახურის ინფორმაციით, მაშველები 4 წუთში ადგილზე იყვნენ, თუმცა მამაკაცი ზღვაში უკვე აღარ ჩანდა.

"ზღვაში, 55 წლის თბილისელი, ა.ს. დაიხრჩო. როგორც ახლობლებმა განაცხადეს, ის ნასვამ მდგომარეობაში შევიდა ზღვაში სავარაუდოდ საბანაოდ. ჩვენი მაშველები ადგილზე 4 წუთში მივიდნენ, თუმცა მამაკაცი ზღვაში უკვე აღარ ჩანდა. 5-ბალიანი შტორმი ფიქსირდება ქობულეთში სანაპიროებზე და მაშველები ზღვაში შესვლას ვერ მოახერხებენ", - განაცხადეს სამაშველო სამსახურში.

ამასთან, აჭარაში დილიდან გადაუღებლად წვიმს და 5-ბალიანი შტორმი ფიქსირდება.

"ინტერპრესნიუსი"