მეტროს გვირაბში გარდაცვლილის ცხედარი პროზექტურაში გადაასვენეს

თბილისის სატრანსპორტო კომპანიის ტექნიკური დირექტორის, ლევან მესხიშვილის ინფორმაციით, მეტროს სადგურ "სადგურის მოედნის" საბურთალოს ხაზზე 40 წლამდე მამაკაცმა თავი მოიკლა. მისი თქმით, შემთხვევა დაახლოებით ორი საათის წინ დაფიქსირდა.

"დაახლოებით 2 საათის წინ დაფიქსირდა თვითმკვლელობა. 40 წლამდე ასაკის მამაკაცი მატარებლის ქვეშ ჩახტა და თავი მოიკლა. ჩატარდა საგამოძიებო მოქმედებები", - აღნიშნა სატრანსპორტო კომპანიის წარმომადგენელმა.

მისივე ინფორმაციით, მეტროპოლიტენის მუშაობა საბურთალოს ხაზზე რამდენიმე წუთში აღდგება. გარდაცვლილი მამაკაცი მეტროს სადგურიდან პროზექტურაში გადაასვენეს.

თავდაპირველად ვრცელდებოდა ინფორმაცია, რომ გარდაცვლილი 25 წლამდე ასაკის იყო.

"ინტერპრესნიუსი"