ვახუშტის ხიდზე ავარიას ერთი ადამიანი ემსხვერპლა

ვახუშტის ხიდის მიმდებარე ტერიტორიაზე მომხდარ ავტოსაგზაო შემთხვევას ერთი ადამიანი ემსხვერპლა. როგორც "ინტერპრესნიუსს" შინაგან საქმეთა სამინისტროში განუცხადეს, გარდაიცვალა შეჯახების შედეგად დაზიანებული ორი ავტომობილიდან ერთ-ერთის, "ოპელის" მარკის ავტომანქანის მძღოლი.

"მომხდარზე გამოძიება 276-ე მუხლის მეხუთე ნაწილით დაიწყო, რაც სატრანსპორტო საშუალების ექსპლუატაციის ან უსაფრთხოების წესის დარღვევას გულისხმობს, რამაც სიცოცხლის მოსპობა გამოიწვია", - აღნიშნავენ შსს-ში.

ავტოსაგზაო შემთხვევა ვახუშტის ხიდის ქვეშ ცოტა ხნის წინ მოხდა.