ერთი ადამიანი დაშავდა ავტოავარიის შედეგად რუსთაველზე

რუსთაველის გამზირზე მომხდარი ავტოსაგზაო შემთხვევის შედეგად ერთი ადამიანი დაშავდა.

როგორც "ინტერპრესნიუსის" კორესპონდენტი შემთხვევის ადგილიდან იუწყება, BMW-ს მარკის ავტომობილი ბოძს შეეჯახა. მძღოლმა სხეულის მსუბუქი დაზიანება მიიღო. იგი საავადმყოფოშია გადაყვანილი.

"ინტერპრესნიუსს" საქართველოს შინაგან საქმეთა სამინისტროს პრესსამსახურში განუცხადეს, რომ გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც სატრანსპორტო საშუალების ექსპლუატაციის ან უსაფრთხოების წესის დარღვევას გულისხმობს.