ვახუშტის ხიდთან ერთმანეთს 4 მსუბუქი ავტომობილი შეეჯახა, რომლის შედეგად რამდენიმე ადამიანმა მსუბუქი დაზიანება მიიღო. როგორც "ინტერპრესნიუსს" სახანძრო-სამაშველო სამსახურის წარმომადგენლებმა განუცხადეს, ყველა დაშავებულს პირველადი სამედიცინო დახმარება ადგილზე გაეწია და მათი საავადმყოფოში გადაყვანა საჭირო არ გახდა.
ავარიამ ვახუშტის ხიდის მიმდებარე ტერიტორიაზე საავტომობილო მოძრაობა გარკვეული ხნით შეაფერხა, თუმცა, ავტომობილების ტროტუარზე გადაყვანის შემდეგ პრობლემა აღმოიფხვრა.
ადგილზე მობილიზებული იყვნენ საპატრულო პოლიციისა და სახანძრო-სამაშველო სამსახურის ბრიგადები.