მადონა "გრემის" დაჯილდოებაზე უკანალმოშიშვლებული მივიდა - "შეეგებეთ ჩვენს ძუკნა მადონას”

დღეს, 9 თებერვალს ლოს ანჯელესში 2015 წლის "გრემის" დაჯილდოება გაიმართა. წითელ ხალიჩაზე მრავალი უცნაური, პომპეზური, ლამაზი, უგემოვნო, ერთი სიტყვით აბსოლუტურად ყველანაირი ჩაცმულობით დადიოდნენ ვარსკვლავები. თუმცა ყველაზე დიდ ყურადღებას პოპის დედოფალი მადონა იქცევდა.

56 წლის მომღერალი კაბარეს სტილის უცნაურ სამოსში იყო გამოწყობილი, რომელიც მას უკანალზე მოშიშვლებულ ადგილს უტოვებდა. მადონამ "გრემიზე" ახალი ალბომიდან შეასრულა სიმღერა. ის ნიკი მინაჟმა და მაილი საირუსმა წარადგინეს სიტყვებით: ”უჩვენეთ სიყვარული და შეეგებეთ ჩვენს ძუკნა მადონას”. საირუსმა ამის შემდეგ დასძინა, რომ ამ ფრაზის წარმოთქმა თავად მადონამ აიძულა.