გუდაურში ვერტმფრენი დაჯდომისას რამდენჯერმე ამოტრიალდა

ვერტმფრენი, რომელსაც 5 ადამიანი გადაჰყავდა, გუდაურში დაჯდომისას რამდენჯერმე ამოტრიალდა, - ინფორმაციას "პირველი არხი" ავრცელებს.

"თუშეთის" ავიახაზების ინფორმაციით, კომპანიის კუთვნილ ვერტმფრენს ხელი მეტეოროლოგიურმა პირობებმა შეუშალა.

ბორტზე 4 ტურისტი და ეკიპაჟის ერთი წევრი იმყოფებოდა. დაშავებულები არ არიან.

მგზავრებს სამედიცინო შემოწმება ჩაუტარდათ. მათი ჯანმრთელობის მდგომარეობა დამაკმაყოფილებელია.

1TV.GE