რუსთავში ცოტა ხნის წინ მომხდარი ავტოსაგზაო შემთხვევა მსხვერპლით დასრულდა. წინასწარი ინფორმაციით, ცურტაველის მოედნიდან მტკვრის მარჯვენა და მარცხენა სანაპიროს დამაკავშირებელი ხიდის მიმართულებით მოძრავი მსუბუქი ავტომანქანის მძღოლმა საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა.
ავარიის შედეგად მანქანის მძღოლი, 25 წლის მამაკაცი ადგილზე გარდაიცვალა, მგზავრი კი მძიმე მდგომარეობაში რუსთავის ცენტრალურ საავადმყოფოშია გადაყვანილი.