ზუგდიდში ბიზნესმენი თემურ თორდია თავდამსხმელებმა უთოთი აწამეს

ზუგდიდში ბიზნესმენ თემურ თორდიას ოჯახს 5 ნიღბიანი და შეიარაღებული პირი თავს დაესხა. მძარცველებმა თემურ თორდია უთოთი დაწვეს, მასთან ერთად ნაცემია ბიზნესმენის ვაჟი ვასიკო თორდიაც. წამების შემდეგ, თავდამსხმელებმა 3 ათასი ლარის ღირებულების ძვირფასეულობა წაიღეს.

დაზარალებული მამა-შვილი ზუგდიდის რეფერალურ საავადმყოფო "რესპუბლიკაში" არიან გადაყვანილი. ექიმების განცხადებით, ვასიკო თორდიას ჯანმრთელობის მდგომარეობა დამაკმაყოფილებელია, თემურ თორდიას მდგომარეობა კი სტაბილურად მძიმეა.

მომხდარზე დაწყებულია გამოძიება.

წყარო: livepress.ge

livepress.ge