21 წლის მამაკაცი ემსხვერპლა ავტოავარიას თელავში

თელავში ავტოსაგზაო შემთხვევა მსხვერპლით დასრულდა. აღმაშენებლის გამზირზე "მერსედესის" მარკის ავტომანქანა და მოტოციკლი ერთმანეთს შეეჯახა. შეჯახების შემდეგ მოტოციკლის მძღოლმა მართვა დაკარგა და ბოძს შეეჯახა, რის შედეგადაც შემთხვევის ადგილზე გარდაიცვალა.

გარდაცვლილი 21 წლისაა. ადგილზე მობილიზებულნი არიან საპატრულო პოლიცია და ექსპერტ კრიმინალისტები. წინასწარი ინფორმაციით, ავტოავარიის გამომწვევი მიზეზი გადაჭარბებული სიჩქარე გახდა.

გარდაცვლილი ლევან სამხარაულის ექსპერტიზის ეროვნული ბიუროს გურჯაანის ბიუროშია გადასვენებული.

"ინტერპრესნიუსი"