ქარმა წალენჯიხაში საცხოვრებელ კორპუსს და კერძო სახლებს სახურავი გადახადა

ქარმა წალენჯიხის მუნიციპალიტეტი დააზარალა. სტიქიამ ბაზართან მდებარე საცხოვრებელ კორპუსს სახურავი მთლიანად გადახადა, რის შედეგადაც შვიდი ავტომანქანა დაზიანდა. ქარმა სახურავი გადახადა კერძო სახლებსაც. ნაწილობრივ დაზიანდა წალენჯიხაში მეშვიდე საჯარო სკოლის სახურავიც, რის გამოც სკოლაში სასწავლო პროცესი შეწყდა.

ადგილზე სამეგრელო-ზემო სვანეთის გუბერნატორის პირველი მოადგილე კობა ქანთარია იმყოფებოდა და ვითარებას გაეცნო. სტიქიისგან მიყენებულ ზარალს სპეციალური კომისია უკვე ითვლის.

ქარმა ზარალი მიაყენა ზუგდიდის მუნიციპალიტეტსაც. სტიქიის შედეგად ელექტროსადენები გაწყდა და შუქი არ მიეწოდება სოფლების ნაწილს. გადახდილია კერძო სახლების სახურავები. ქალაქის ტერიტორიაზე პირველი და მესამე საჯარო სკოლების სახურავები ნაწილობრივ დაზიანდა.

წყარო: livepress.ge

livepress.ge