ვარკეთილში ორი პოლიციელი დაჭრეს

თბილისში, ვარკეთილში ორი პოლიციელი დაჭრეს. აღნიშნული ინფორმაცია "ინტერპრესნიუსს" შინაგან საქმეთა სამინისტროში დაუდასტურეს.

მათი ინფორმაციით, პოლიციის თანამშრომლებმა მოქალაქე შემოწმების მიზნით გააჩერეს, რა დროსაც მოქალაქემ 2 სამართალდამცველი დაჭრა.

შინაგან საქმეთა სამინისტროს ინფორმაციით, დაჭრილი პოლიციელები საავადმყოფოში არიან გადაყვანილები. შსს-ს ცნობით, მათ სიცოცხლეს საფრთხე არ ემუქრება.

"ინტერპრესნიუსი"