გლდანში მამაკაცი 9-ე სართულიდან ვალის გამო გადახტა - ტრაგედიის ახალი დეტალები

გლდანის მე-2 მიკრორაიონში შუა ხნის მამაკაცმა თავი, სავარაუდოდ, ფინანსური პრობლემების გამო მოიკლა, - ამის შესახებ "ინტერპრესნიუსს" ადგილობრივმა მცხოვრებლებმა განუცხადეს.

მათი ინფორმაციით, აქვთ ინფორმაცია, რომ მამაკაცს, რომელიც 9-სართულიანი საცხოვრებელი კორპუსის სახურავიდან გადმოხტა, ვალი ჰქონდა.

აღსანიშნავია რომ, გარდაცვლილი მე-2 მიკრორაიონის მაცხოვრებელი არ იყო. ის გლდანის ა/მიკრორაიონში ცხოვრობდა. შესაბამისად, 33-ე კორპუსის მაცხოვრებლებს არ აქვთ ინფორმაცია, თუ რატომ მივიდა მამაკაცი მაინცადამაინც მათთან და რა შეხება ჰქონდა 33-ე კორპუსთან.

ადგილობრივების განმარტებით, მათ სახურავზე ასული მამაკაცი დაინახეს, რის გამოც სთხოვდნენ და მოუწოდებდნენ, რომ არ გადმომხტარიყო.

გარდაცვლილის ცხედარი პროზექტურაში ჯერ არ გადაუსვენებიათ. ადგილზე ჯერ არ მისულან არც მისი ახლობლები.

"ინტერპრესნიუსი"

იხილეთ ვიდეო