ტრაგედია გურჯაანში: ხელყუმბარის აფეთქების შედეგად სამი ადამიანი დაიჭრა

გურჯაანში ინციდენტი მოხდა. 9 აპრილის ქუჩაზე ე.წ. აგურის ქარხნის ბინაში ახალგაზრდა მამაკაცები ჩხუბობდნენ, რა დროსაც ხელყუმბარა აფეთქდა. აფეთქების შედეგად სამი ადამიანი დაიჭრა. ისინი გურჯაანის რაიონულ საავადმყოფოში მოათავსეს. არსებული ინფორმაციით, ინციდენტში პოლიციის თანამშრომელიც მონაწილეობდა.

მომხდარს შს გურჯაანის რაიონული სამმართველო იძიებს. შსს-ს პრესსამსახურში აცხადებენ, რომ ამ ეტაპზე ინფორმაცია არ აქვთ.

წყარო: ick.ge

კახეთის საინფორმაციო ცენტრი