კასპში 32 წლის მამაკაცმა თავი ჩამოიხრჩო

კასპის რაიონის ერთ-ერთ სოფელში, ახალგაზრდა მამაკაცმა სიცოცხლე თვითმკვლელობით დაასრულა. 32 წლის მამაკაცი საკუთარი სახლის აივანზე თოკით ჩამომხრჩვალი იპოვეს. აღნიშნულ ინფორმაციას "თრიალეთი" ავრცელებს.

ადგილობრივების ინფორმაციით, ახალგაზრდა მამაკაცის ცხედარი დღეს დილით მეზობელმა შენიშნა. მათივე თქმით, ოჯახის წევრებისთვის თვითმკვლელობის მიზეზი უცნობია. ცნობილია, რომ 32 წლის ტ. შ-ს დედა, მეუღლე და შვილები დარჩა.

ახალგაზრდა მამაკაცის თვითმკვლელობის ფაქტზე გამოძიება სსკ-ის 115-ე მუხლით მიმდინარეობს.

წყარო: trialeti.ge

trialeti.ge