მტკვარში აღმოჩენილი ცხოველის ლეში მტაცებელი არ აღმოჩნდა

მშრალ ხიდთან, მტკვარში აღმოჩენილი ცხოველის ლეში მტაცებელი არ აღმოჩნდა. როგორც "ინტერპრესნიუსს" თბილისის მერიის ცხოველთა მონიტორინგის ცენტრში განუცხადეს, მდინარიდან ცოტა ხნის წინ დამხრჩვალი ძაღლი ამოიყვანეს.

ცხოველის ლეშის შესახებ ინფორმაცია 112-ს თვითმხილველებმა მიაწოდეს. ისინი ვარაუდობდნენ, რომ მდინარემ მკვდარი მგელი გამორიყა.

"ინტერპრესნიუსი"