ერთი გარდაცვლილი და ოთხი დაშავებული - ავარია ქედაში

ერთი გარდაცვლილი და ოთხი დაშავებული - ავარია ქედაში

ქედის მუნიციპალიტეტში ავტოავარიას 31 წლის მამაკაცის სიცოცხლე ემსხვერპლა. ბათუმი-ახალციხის ცენტრალური გზის დოლოგანის მონაკვეთზე ერთმანეთს "ოპელის" მარკის ავტომობილი და სატვირთო მანქანა შეეჯახა.

როგორც შინაგან საქმეთა სამინისტროს გადაუდებელი სიტუაციების მართვის სააგენტოს თანამშრომელმა გურამ ბერიძემ განაცხადა, ავარიის მიზეზი სავარაუდოდ, მსუბუქი ავტომობილის გადაჭარბებული სიჩქარე გახდა. მისივე განმარტებით, შემთხვევის შედეგად კიდევ ოთხი ადამიანი დაზიანდა.

"ერთი ადამიანი გარდაცვლილია და ოთხი დაშავებული. ავარიის მიზეზი მსუბუქი მანქანის დაუდევრობა იყო. სავრაუდოდ, სწრაფად მოძრაობდა და ნაწვიმარზე საჭე ვერ დაიმორჩილა", - აღნიშნა გურამ ბერიძემ.

ავარიის გამო ცენტრალურ მაგისტრალზე მოძრაობა შეფერხებული იყო.

"ინტერპრესნიუსი"

ბამბის რიგში რესტორანი იწვის - ადგილზე 4 სახანძრო მუშაობს

დამწვარია 200-დან 250 კვ.მ ფართობი - რა ვითარებაა ბაზრობა "თერგის" ტერიტორიაზე

ძლიერი ხანძარი თბილისში - ბაზრობა "თერგის" მეორე სართულზე ღია ცეცხლია