ზურაბ ჟვანიას ქვეყნიდან წასვლა ოჯახთან ერთად რამდენჯერმე უნდოდა - ნინო ქადაგიძე-ჟვანია

როდესაც მიხეილ სააკაშვილმა "ნულოვანი ტოლერანტობა" გამოაცხადა, ზურაბ ჟვანია ამას ეწინააღმდეგებოდა და ქვეყნიდან წასვლა უნდოდა , - ამის შესახებ ჟვანიას დაცვის ყოფილი წევრების კობა ხარშილაძისა და მიხეილ ძაძამიას წინააღმდეგ საქმის განხილვისას ნინო ქადაგიძე-ჟვანიამ განაცხადა.

როგორც მან აღნიშნა, ზურაბ ჟვანიას ქვეყნიდან წასვლა რამდენჯერმე უნდოდა ოჯახთან ერთად, თუმცა ამბობდა, რომ ქვეყანას ვერავის დაუტოვებდა. ამასთან, გარდაცვლილი პრემიერის მეუღლემ აღნიშნა, რომ საქართველოში ყველა ზნეობრივი ადამიანი, რომელიც პოლიტიკაში მოვიდა ძალადობრივი გზით ამთავრებს სიცოცხლეს. მათ შორის ჟვანიას მეუღლემ დაასახელა გიორგი ჭანტურია და მერაბ კოსტავა.

"ინტერპრესნიუსი"