ტრაგედია ზღვის სანაპიროზე: ფოთში მამაკაცი ახალგაზრდის გადარჩენას ცდილობდა, თუმცა თვითონაც დაიხრჩო

ფოთში, ზღვაში ორი მამაკაცი დაიხრჩო. გავრცელებული ინფორმაციით, ზღვაში 22 წლის ბიჭი იხრჩობოდა და შველას ითხოვდა, რა დროსაც მის დასახმარებლად 40 წლის მამაკაცი შევიდა, თუმცა, ორივე დაიღუპნენ.

არსებული ინფორმაციით, ზღვაში მათ დასახმარებლად კიდევ ერთი ახალგაზრდა მამაკაცი შევიდა, იგი გადარჩა, თუმცა, მას სასწრაფო სამედიცინო დახმარება დასჭირდა. ამ ეტაპზე მისი მდგომარეობა სტაბილურია. დაღუპული 40 წლის მამაკაცი მალევე იპოვეს და სახლში გადაასვენეს. 22 წლის ახალგაზრდის ცხედარი კი ნაპოვნი არ არის. სამძებრო სამუშაოები დღეს დილიდან განახლდა.